^^^ دفتري !!غير عن دفاتر البنات ^^^

^^^ دفتري !!غير عن دفاتر البنات ^^^




دفترك و دفتري و دفاتر أغلب البنات ...

عالم من الأحلام ماله نهايات ..

فرح و طموح و أمنيات ..

و أحزان و آهات ..

أسرار و خفايا وحكايات ..

تدرين قبل اربع سنين ..

كان عندي دفترين ..

كان واحد للفرح و الثاني حزين ..

و بيوم أغبر طاح بإيديهم مدري كيف وشلون ..

ما أذكر إلا شرر يتطاير من كل العيون !!

تخيلي جايين لأحلامي يحاسبون !!

و لخيالاتي يعدمون !!

شقوها قدام عيني ..!!

و رموني ثلاث شهور محد يسأل أنا ويني !!

فرجها ربك بعد حين ..

بس تأثيرها باقي لحد الحين !!

من يومها وانا مالي دفاتر !!

غير دمع يغلي بالنواظر ..

صرت استودع كتاباتي في فلاش ..

و أقفله خوفي تتكرر مأساة و يطول النقاش ..

ما أخفيك أشتقت لـ دفتر .. بس كلما فتحت صفحه أرجف و لا أقدر !!

لين جاء يوم اهداني ضي عيني قلم ...

كإنه يقول لا يكبحون فيك جماح الحلم ..

رجعت أكتب ابشرك رجعت .. لإن القلم منه تشجعت ..

بالعكس صار ما يجيني الإلهام .. إلاّ لا مسكته ..

أبوح له بـ حبي و أجيه اقول .. شو رايك باللي كتبته ؟ ..

اشوف الفرح بعيونه يلمع .. يقراني وبلا شعور عيني تدمع ..

يمسح على راسي و يقول ماشاء الله عليك ..

حبيبتي مبدعه ما أحد يجاريك ..

أسأله يعني فرحت فيهم يا روحي !!..

يجاوبني .. والله أكثر من طموحي ..

بس ما أوصيك للفلاش انقليهم ..

وهـ الأوراق شققيهم ..

خايف عليك يابعد عيني .. قلت ياعمري لا توصيني ..

أنا أهتم فيني .. لإنك ساكن بشراييني ..

وهذاني نسختهم و شققت الأوراق ..

يكفي ان الحروف لها مع طلتك موعد إشراق ..

يمكن أكون اسهبت في البوح لحد الإستغراق ..

أعذريني يا تفاصيل اللقاء ..

أثقلت صفحتك بشيء في نفسي بقى ..

وهذي حروفي تصافح حروفك و تستأذنك ..

تسمحين أشاركك مشاعر تستوطنّك ..؟!


تفاصيلَ اللقا •